روس کے ساتھ جنگ کے لئے مکمل طور پر تیار ہیں، یوکرین

یوکرین کے صدر پیٹرو پوروشنکو نے کہا ہے کہ روسی فوج کے سا تھ جنگ سے نہیں ڈرتا اور  جنگ کے لئے  مکمل طور پر تیار ہیں۔

غیر ملکی خبر رساں ادارے کے مطابق پیٹرو پوروشنکو  کا اپنے ایک انٹر ویو میں کہنا تھا کہ روسی فوج کے ساتھ جنگ سے نہیں ڈرتا اور ہم مکمل جنگ کی صورت حال  سے نمٹنے کے لیے تیار ہیں لیکن ہم جنگ نہیں امن چاہتے ہیں۔ ان کا کہنا تھا کہ یوکرین یورپی تشخص کے لیے لڑ رہا ہے لیکن روس کسی بھی معاہدے کا احترام نہیں کرتا۔ ہماری مسلح افواج 5 ماہ پہلے کے



مقابلے میں زیادہ بہتر  اور منظم حالت میں ہیں اور  پوری دنیا ہماری حمایت کر  رہی ہے جب کہ یوکرین کے معاملے پر روس کو رسوائی کا سامنا ہے۔